一架二手遊艇由幾十萬到幾千萬港幣都有，買家動輒花幾個星期到幾個月做 research，先至去睇船、傾價。呢種長決策期意味住買家唔會一次問完：先問「香港邊度買二手遊艇信得過」，過幾日問「呢個呎數維修保養大約幾錢」，再過幾日問「遊艇泊位月費點計」。
ChatGPT 同 Claude 嘅消費者版本喺香港有地區限制，所以香港用戶日常實際用到嘅，主要係內建喺 Android 同 Google 搜尋嘅 Gemini、Google AI Overviews、Perplexity，以及公司電腦內建嘅 Copilot；中文語境查詢亦有人用 DeepSeek。
遊艇行業仲有一個別行未必有嘅分岔：買家有一大批係內地／大灣區客，呢批客慣用嘅引擎同香港客唔同（DeepSeek 呢類中文語境引擎），亦即係同一間經紀可能需要兩套內容策略 —— 包括簡體可讀嘅內容，同大灣區買家真正關心嘅過關、註冊、牌照問題。
問「香港買遊艇要留意咩」，引擎背後同時查牌照、保養、泊位、保險。每條子查詢都需要一版接得住嘅內容。
唔使逐架列價，但要有價格帶概念（例如最低到最高開價範圍），令引擎答得出「大約幾錢」。
西貢 Marina Cove、白沙灣、香港仔避風塘 —— 寫實地點名，先入得到本地同碼頭級查詢。
按影響順序排 — 上面嘅唔修好，下面嘅做幾多都白做。
Wix 呢類 JS-heavy 平台經常令內容根本冇被完整讀取；我哋見過連 browser tab title 仲係「Mysite」、About 頁 404 嘅經紀站。AI crawler 唔執行 JavaScript —— 呢個係硬性關卡，唔修好，後面所有內容功夫都白做。
買賣、租賃出海、泊位代理、水上玩具代理係四組唔同查詢意圖。買賣有版面，其餘三條線幾乎搵唔到獨立內容 —— 即係有人問「西貢邊度可以租遊艇出海」「泊位邊度租」，你明明答得到，但 AI 睇唔到，自然唔會推薦你。
短影片吸引到眼球，但冇轉化成網站上可引用嘅文字資產（冇文字版介紹、冇 FAQ、冇單船專頁），AI 引擎攞唔到可以引用嘅文本，片再靚都幫唔到 AEO；同時「睇完片想查船」同「真正發出查詢」之間斷咗路，轉化亦一併蝕走。
如果你有做大灣區生意，只睇 Google／Gemini 唔夠：內容要有簡體可讀版本、要答內地買家真正關心嘅過關同註冊流程，品牌亦要喺第三方平台被獨立提及。遊艇係少數需要「兩地兩套 AEO」嘅香港服務業。
Sun Yachts 陽光遊艇（西貢 Marina Cove）原本靠短影片引流，流量尚可但完全冇轉化。我哋由零重建為「轉化系統」而唔係單純網站 —— 同時解決 crawlability、業務線覆蓋同轉化動線三個問題。
Sun Yachts 陽光遊艇
65 艘遊艇每艘一個獨立專頁，帶價錢／規格／相集同自動帶船名嘅 WhatsApp 一鍵查詢掣，開價由 HK$368,000 至 HK$42,800,000 全部明碼、無公開價船隻正確顯示「價格查詢」；中英雙語全站配 hreflang 雙向，填補舊站零中文嘅缺口；全站 JSON-LD schema（LocalBusiness／Product／Vehicle／FAQPage／BreadcrumbList）支撐 AEO；租賃、泊位、BOTE 代理三條業務線各有獨立 landing page，影片連結可以直落單船專頁，接通「睇片 → 一鍵查詢」嘅完整動線。
本案例交付重點係 crawlability、業務線覆蓋同轉化動線；上線後持續做 SEO／AEO 監察，但未有公開嘅 T0／T1 AEO 重測分數。
睇完整案例先修 crawlability。如果網站係 JS-heavy（例如舊 Wix 站），要做到每版有靜態可讀嘅文字內容、title tag 正常命名、有基本 sitemap。AI crawler 唔執行 JavaScript，呢個係硬性關卡；修好之後才輪到內容覆蓋同第三方提及。
因為 AI 引擎答一條問題時會自動拆散成幾條子查詢（牌照、保養、泊位、保險、租賃）。買賣、租賃、泊位代理、水上用品代理每條線至少要一版獨立內容，寫清楚服務範圍、價錢區間同覆蓋碼頭，否則子查詢逐條都對唔上你。
唔使逐架列實價，但要有價格帶概念，令引擎答得出「大約幾錢」。誠信處理同樣重要：無公開價（POA）嘅船應該顯示「價格查詢」，唔好顯示 $0 —— 錯價會同時損害人同 AI 對你嘅信任。
三件事：一，內容要有簡體可讀版本，唔好只得英文；二，要答內地買家關心嘅實際問題（跨境航行、船隻註冊、海關申報流程）；三，品牌要喺第三方平台被獨立提及 —— 中文語境引擎同其他 LLM 一樣，傾向推薦多處被獨立提及嘅品牌。