免費 AI 曝光診斷：睇 5 個 AI 引擎點講你
輸入你嘅網址，約 1–2 分鐘後你會收到一份報告，告訴你5 個 AI 引擎搵唔搵到你、佢哋點樣形容你嘅生意、會唔會改為推薦你嘅對手，並用 5 個維度打一個 0–100 分。免費、唔使註冊、唔使留 email，每日 3 次。
每次都會即場問齊 5 個引擎：ChatGPT、Gemini、Claude、DeepSeek、Perplexity。慢過一般線上工具， 係因為我哋真係即場逐個引擎問 6 條問題再等佢答完。實際有幾個引擎出數會受當日各家 API 狀況影響 —— 報告會逐個列明邊個有回應、邊個失聯，失聯嘅唔計入分數。 我哋寧願畀你睇到個空位，都唔會補個假數字落去。
開始，睇 AI 點講你- 價錢
- 免費
- 出結果
- 1–2 分鐘
- 註冊
- 唔使
- 每日次數
- 3 次
- AI 引擎
- 5 個
點解要測 AI 曝光？
Google 排名你有工具睇，AI 講你咩你一直係盲嘅。以下三個原因。
客搵你嘅第一步由搜尋變成問 AI
越來越多人揀供應商之前會先問 ChatGPT 或 Perplexity「香港有邊間做得好」。呢一步喺搜尋結果之前發生，你排第幾冇人睇到 —— AI 冇提你，你就連候選名單都入唔到。
AI 講你嘅話你控制唔到，但睇得到
AI 形容你嘅定位可能仲係三年前嗰個，甚至完全認錯人。你冇辦法直接改 AI 嘅腦，但你可以先知佢而家講咩 —— 診斷做嘅就係將呢段你平時見唔到嘅原文抄返出嚟畀你睇。
冇基準分，做完優化都唔知有冇用
AEO 優化（Schema、BLUF、實體一致性）嘅效果要幾個月才浮面。冇一個開頭嘅分數同報告存底，之後根本無法證明係好轉定倒退。先影一張今日嘅底片。
點解要用 AEO 工具檢查 AI 曝光？
因為 AI 引擎講你嘅嘢，同你個網站寫咗乜，係兩件事。業界研究顯示 84–89% 嘅 AI 引用嚟自第三方／earned media，而唔係品牌自己個官網 —— 即係話你喺自己主場點樣自賣自誇，都未必入到 AI 個答案入面。
另一組數字更加直接：只有 37.9% 嘅 Google AI Overview 引用係嚟自傳統搜尋 Top 10 嘅頁面。換句話講，你 Google 排第幾，同 AI 會唔會引用你，關係冇你想像中大。你用開嘅排名工具量唔到呢一層；要知道 AI 而家點形容你、推薦緊邊個對手，就要用專門問 AI 引擎嘅 AEO 工具，定期影底片做 benchmark。
數據來源：AuthorityTech、Cognizo 第三方 AI 引用研究（2026）；AI Overview 引用與傳統排名相關性研究（2026）。以上為引用業界公開研究，非 Webka 自家量測數據。
報告會睇到乜？5 個維度，總分 100
評分唔係一個黑箱數字。每個維度有自己嘅上限分，你會知道分數係喺邊一項流失。
推薦率
35 分問 AI「香港有邊間做呢行」嗰類問題時，佢會唔會主動提你。權重最重，因為呢個最直接影響有冇生意。
描述準確度
25 分AI 講你做咩生意、服務邊個市場，同你真實定位差幾遠。改過名、轉過定位嘅品牌通常喺呢一項失血最多。
品牌認知
15 分AI 到底知唔知你存在。呢項係 0 分嘅話，後面幾項都做唔起 —— 先解決「唔認識」才談「講錯」。
情感評價
15 分AI 提你嗰下嘅語氣係正面、中性定負面。中性佔大多數，負面通常代表網上有負評或者舊新聞蓋過咗你。
引用來源
10 分AI 答問題時有冇將你嘅網站當成來源引用。呢項係 AEO 最難搬得動、但最有複利嘅一項。
分數有 ±10 分嘅自然波動（AI 回應本身有隨機性）。認真做 benchmark 建議跑 3 次取平均。
除咗分數，報告仲有 5 樣嘢
AI 引擎分析矩陣
6 條問法 × 每個引擎嘅紅黃綠燈表。一眼睇到係邊條問法、邊個引擎捉你唔到。
AI 推薦咗邊個對手
AI 答「邊間最好」時講出嚟嘅對手名會列出嚟 —— 即係而家實際搶你位嘅係邊幾間。
每條 Prompt 嘅完整原文回覆
唔止分數，係 AI 逐字講你嘅原文。想知個分數點嚟，自己揭開對就得。
即用內容 + Schema 代碼
工具會生成 FAQ、品牌描述同 Schema.org JSON-LD，copy 落你個網站就用得。
30 日行動計劃
按你嘅弱項排出下一個月做咩，唔係一堆通用建議。
3 步，約 1–2 分鐘
- 1
輸入網址
去 aeo.weblnno.info，喺輸入框貼你嘅網站網址。唔使開戶、唔使留 email、唔使信用卡。
- 2
等 AI 引擎答完
系統會向 5 個 AI 引擎（ChatGPT、Gemini、Claude、DeepSeek、Perplexity）問 6 條關於你品牌嘅問題，約 1–2 分鐘。因為係即場真問 AI，所以會比一般測速工具慢 —— 唔好閂窗。
- 3
睇報告
出嚟係一個 0–100 分嘅 AI 曝光評分、5 個維度嘅分項、每個引擎嘅原文回覆、AI 推薦咗邊個對手、即用 Schema 代碼同 30 日行動計劃。報告有專屬連結，可以收藏返嚟再睇或者傳畀同事。
工具唔會氹你開心
我哋用同一個工具測自己：41 → 43 分
我哋賣 AEO，所以你有權問：你自己攞幾分？答案係 165 日只升咗 2 分，遠低於我哋自己訂嘅 70 分目標。中途仲改咗品牌名，等於自願清零一部分 AI 記憶，品牌認知即刻倒退。
我哋冇隱藏呢個數字，反而開咗一頁公開全部 6 份可核對嘅報告同 5 維度變化。一個報你 90 幾分嘅工具係喺賣你安慰感；一個敢報自己 43 分嘅工具，至少個分數係真嘅。
睇完整自測案例（含 6 份原始報告）常見問題
免費有冇伏？會唔會突然要畀錢先睇得到報告？
冇。每日 3超過每日 3 次就要等第二日；想日日自動監測就有月費方案，但免費嗰部分唔會縮水。
診斷要幾耐？
約 1–2 分鐘。慢係因為我哋真係即場逐個 AI 引擎問 6 條問題再等佢哋答完，唔係查一個現成 database。時間會隨當日各引擎速度浮動。完成後報告有一條專屬連結，之後唔使重新跑都睇得返。
用完會唔會收到 sales 電話轟炸？
唔會有電話 —— 我哋全程冇問過你電話號碼。跑診斷同睇報告都唔需要留任何聯絡方法。報告底部有兩個自願選項：留 email 換每月趨勢報告，或者預約 15 分鐘諮詢。如果你留咗 email，我哋係會就住你嗰份報告 follow up 你（呢個就係我哋搵客嘅方式，唔想收就唔好填）。唔填 email 嘅話，你用完就走，我哋連你係邊個都唔知。
數據準唔準？測幾多個 AI 引擎？
分數係即場真問 AI 引擎拿返嚟嘅原始答案，唔係估算或者模擬，而且每條回覆原文都攤開畀你對。工具每次都會即場問齊 5 個引擎：ChatGPT、Gemini、Claude、DeepSeek、Perplexity，但實際有幾個出數會受當日各家 API 狀況影響 —— 報告會逐個引擎列明係有回應定失聯，失聯嘅唔會計入分數。另外 AI 回應本身有隨機性，同一個網址跑兩次可能差 ±10 分，所以認真做 benchmark 建議跑 3 次取平均（我哋自己就係咁做）。
可以睇到競爭對手嘅情況嗎？
可以，但唔係用你輸入對手網址嘅方式。工具問 AI「香港邊間做呢行最好」嗰陣，AI 講咗邊幾間，報告就會列出嚟 —— 即係 AI 而家實際推薦緊、搶咗你個位嘅對手。如果你想睇對手自己嘅完整分數，直接將對手網址當成診斷目標跑一次都得（會用掉你每日 3 次配額）。
分數低係咪即刻要買你哋服務？
唔係。報告裡面嘅改善建議、FAQ、Schema 代碼同 30 日計劃全部係你 copy 得走嘅，你自己或者你嘅開發同事做得到，我哋 /blog 同 /glossary 有寫點做。搵我哋嘅理由應該係你唔想自己花幾個月試錯，唔係因為個分數嚇到你。
AEO 工具同我用開嘅 SEO 工具有咩分別？
SEO 工具（Ahrefs、Semrush、GSC 嗰類）量嘅係你喺搜尋結果排第幾、有幾多人 click。AEO 工具量嘅係 AI 引擎答問題嗰陣有冇提你、點形容你、引用咗邊個網站。兩者唔互相取代：業界研究顯示只有 37.9% 嘅 Google AI Overview 引用嚟自傳統 Top 10 頁面，即係排名好唔等於 AI 會引用你，反過來亦然。想睇市面有邊啲 AEO 工具、點分揀，可以睇我哋嘅 AEO 工具比較。
市面有冇其他免費嘅 AEO 工具？
有，但免費嘅定義好唔同：有啲係限時試用、有啲要綁信用卡、有啲係報告鎖住要畀錢先睇。我哋逐個工具官網核實過起價、有冇免費版同覆蓋邊幾個引擎，整理咗一份比較表，連我哋自己呢個工具都照住同一套標準寫返落去，你可以直接對比。
呢個工具支唔支援繁體中文？
支援。輸入網址、報告內容、5 維度評分說明同 30 日行動計劃全部係繁體中文，AI 引擎嘅原文回覆亦會按你網站嘅語言返回。市面上大部分 AEO 工具介面同報告都係英文為主，香港品牌用嘅時候要自己翻譯同判斷 —— 呢點係我哋做呢個工具嘅其中一個原因。
我可唔可以唔用工具，自己手動檢查 AI 曝光？
可以，而且應該試一次。開 ChatGPT、Perplexity 打「香港有邊間做（你嘅行業）」，睇下有冇你，就已經係最基本嘅檢查。工具嘅價值係一致性同可比性：同一組問法、同一批引擎、同一套評分，每次跑都可以同上次對。手動問一兩次好難分得出係真有進步，定係 AI 當日答得唔同。想睇逐個引擎點分開優化，可以睇我哋嘅 GEO 生成式引擎優化專頁。
而家去問 AI 一句：「香港有邊間做 你嘅行業？」
如果答案冇你，你需要知道差喺邊。
免費 · 唔使註冊 · 唔使留 email · 約 1–2 分鐘出結果
- 每日 3 次
- 報告有可分享連結
- 會列出 AI 推薦嘅對手